მარიამ ფიცხელაურის პერსონალური გამოფენა 28.03.2026.Tbilisi/ART


 


2026 წლის 28 მარტს, საქართველოს მხატვართა კავშირის საგამოფენო სივრცე „ოპიზარში“ გაიმართა ახალგაზრდა, უნიჭიერესი — მარიამ ფიცხელაურის პერსონალური გამოფენა.

მარიამი მხოლოდ 14 წლისაა. იგი დაიბადა 2012 წლის 9 თებერვალს და ხატვა მისი ცხოვრების განუყოფელი ნაწილი გახდა იმ დღიდანვე, როცა პირველად შეძლო ფანქრის ხელში დაჭერა. მისი ბუნებრივი ნიჭი და შეუჩერებელი სურვილი შემოქმედებისადმი წლების განმავლობაში კიდევ უფრო გამყარდა. სამხატვრო სტუდიაში სიარული მარიამმა 11 წლის ასაკში დაიწყო, სადაც მისი შესაძლებლობები პროფესიონალურად განვითარდა.

მარიამი თბილისის №71 საჯარო სკოლის წარმატებული, ნიჭიერი და გამორჩეულად კრეატიული მოსწავლეა, რომელიც უკვე დღესვე გამოირჩევა ინდივიდუალური ხედვითა და ფერთა განსაკუთრებული შეგრძნებით.

მისი პედაგოგია ქალბატონი ჯინა სამურგანიდი-ბერიაშვილი, რომლის ხელმძღვანელობით მარიამმა არაერთ მნიშვნელოვან გამოცდილებას მიაღწია. ახალგაზრდა მხატვარს არაერთხელ მიუღია მონაწილეობა ჯგუფურ გამოფენებში, მათ შორის ელენე ახვლედიანის სახელობის გალერეაში გამართულ ექსპოზიციებში. თუმცა, ეს გამოფენა მისთვის პირველი პერსონალური წარდგენა იყო ფართო აუდიტორიის წინაშე.

გამოფენაზე წარმოდგენილმა ნამუშევრებმა დამთვალიერებელთა განსაკუთრებული აღფრთოვანება გამოიწვია. მარიამის ფერთა გამა, ემოციური სიღრმე და ინდივიდუალური სტილი არავის ტოვებდა გულგრილს. დამსწრე მხატვრებმა და ხელოვნების მოყვარულებმა მას დიდი წარმატება უწინასწარმეტყველეს და მომავალში კიდევ უფრო დიდ შემოქმედებით გამარჯვებებს უსურვეს.

პედაგოგი: ჯინა სამურგანიდი-ბერიაშვილი

პროექტის ავტორი და ორგანიზატორი: სოფი მაჭავარიანი




















Comments

Post a Comment

Popular posts from this blog

შემოქმედებითი შეხვედრა სოფი მაჭავარიანი 71-ე საჯარო სკოლა

Image
 27 ნოემბერი 2025წ ქ.თბილისის აკაკი ბაქრაძის სახელობის მულტიფუნქციურ ბიბლიოთეკაში, მწერალ, ხელოვან სოფი მაჭავარიანის პროექტის ფარგლებში "ჩვენ და ხელოვნება" შეხვედრა გაიმართა.  პროექტის მიზანია, მოსწავლეების მიერ წაკითხული ლიტერატურული ნაწარმოების ფერწერაში გადმოტანა და მათი არტ-თერაპიის სახით წარმოდგენა.  ღონისძიებაში მონაწილეობა მიიღეს ქ. თბილისის 71-ე საჯარო სკოლის დაწყებითი კლასის მოსწავლეებმა, მათივე პედაგოგის, დამრიგებლის მადონა მეტრეველის ხელმძღვანელობით . ღონისძიებას ასევე ესწრებოდნენ მოსწავლეების მშობლები.  პატარა ვიზიტორებისთვის სოფიმ ალექსანდრე ყაზბეგის მოთხრობა "მტრედი" შეარჩია, რომელიც ბიბლიოთეკის თაროზე საპატიო ადგილს იკავებს.  თითოეული მოსწავლე სრულად იყო ჩართული ღონისძიებაში, რაც თითქმის ორ საათს გაგრძელდა. პედაგოგების ხელმძღბანელობით ნიჭიერმა მოსწავლეებმა წაიკითხეს, იმსჯელეს, შემდეგ წაკითხული კი ფურცელზე გადმოიტანეს და შექმნეს საოცარი ნამუშევრები. ღონისძიების დასასრულს ხელოვანმა ბიბლიოთეკის ხელმძღვანელს ირმა მებონიას მადლობა გადაუხადა პროექტის მხ...
Read more

წიგნის საჯაროდ კითხვის მსოფლიო დღე ქ. თბილისის მე 10 საჯარო სკოლა 2026

Image
  2026 წლის 07 თებერვალს თბილისში ,   აკაკი ბაქრაძის სახელობის ბიბლიოთეკაში წიგნის საჯაროდ კითხვის მსოფლიო დღის აღსანიშნავად თბილისის მე -10 საჯარო სკოლის მესამე კლასის მოსწავლეებს   მწერალი  თეა ირემაშვილი და   სოფი მაჭავარიანი შეხვდნენ . კლასის ხელმძღვანელი პედაგოგი ია შველიძე. შეხვედრისას  მოსწავლეებმა   მწერლებთან ერთად წაიკითხეს საბავშვო მოთხრობა : „ სამყაროს მცველი ფერიები “ ( ავტორი თეა ირემაშვილი) და  ზღაპარი „ბება და ციცინათელების ქალაქი„ (ავტორი სოფი მაჭავარიანი) „ სამყაროს მცველი ფერიები “ მოგვითხრობს და - ძმის ჯადოსნურ მოგზაურობაზე ფერიებთან და ციურ სხეულებთან ერთად , სადაც მსჯელობენ დედამიწის გადარჩენის გზებზე . ბავშვებმა , მოთხრობის მთავარი გმირებისგან ისწავლეს , რომ დედამიწას და მის ბინადრებს უნდა გაუფრთხილდნენ , ტყეში ხანძარი არ უნდა გააჩინონ , არ უნდა დაანაგვიანონ და ფრინველებს და ცხოველებს მოუარონ . ერთმანეთის სიყვარულით და პატივისცემით , შექმნან გარემო სადაც ყველ...
Read more